Што е Аптис?
„Аптис“ е направен од релевантни експерти од Британски совет, а го користат владините институции и организации на преку 85 држави за утврдување и унапредување на стандардите за англискиот јазик.
Доколку ви е потребна веродостојна проценка на вештините по англиски јазик на вашите вработени, „Аптис“ е вистинскиот тест за вас. Ние нудиме курсеви за обука и припрема за погалање на „Аптис“.
Со „Аптис“ може
- Да направите проценка на познавањето на англискиот јазик на вашите вработени, наставници и студенти, согласно Заедничката европска референтна рамка (ЗЕР) за јазици
- Да добиете точна проценка дали поединци го поседуваат потребното ниво на познавање на англискиот јазик
- Да се утврди потребата за усовршување на јазикот, да се вработуваат и унапредуваат вистинските таленти
- Да се утврди дали студентите се подготвени да следат настава на англиски јазик
- Да се овозможи веродостоен процес на селекција
Начин на полагање:
Аптис тестот се полага на компјутер и овозможува брзи резултати.
Во зависност од вашите потреби може да полагате една или повеќе јазични вештини (speaking, writing, listening, reading). Секој тест вклучува задолжителна проверка на граматика и вокабулар како дополнителна гаранција за прецизноста при определувањето на нивото според ЗЕР.
Граматика и вокабулар: 25 минути
Слушање: 40 минути
Читање: 35 минути
Пишување: 50 минути
Зборување: 12 минути
Форматот на тестот може да го видите на следната веб страница:
britishcouncil.org/exam/english/
aptis/prepare-general.
На линкот се достапни вежби за сите делови од тестот, како и решенија за проверка.
Пријавување:
Пријавувањето треба да го извршите онлајн најмалку 3 дена пред терминот за испит. Уплатата се прави онлајн со картичка при самото пријавување, или пак на жиро сметката на Центарот за странски јазици: 300000000622776 во Комерцијална банка со назнака: за испит Аптис (и кој датум) во рок од 2 дена од денот на пријавување, а најмалку 2 дена пред терминот за тест.
Термините за полагање се претпладне, а информација за точното време ќе добиете еден ден пред испитот, по електронска пошта. Тестот се полага во просториите на Центарот за странски јазици – Скопје.
Резултати:
Доколку не полагате пишување и/или зборување, резултатите ќе ги добиете во рок од 24 часа. Ако вашиот избор вклучува пишување и/или зборување, резултатите се добиваат во рок од 7 работни дена.
Имајте предвид дека е можно рокот за издавање на резултатите да биде подолг, заради технички проблем кој е вон наша моќ.
Тестовите целосно се прегледуваат од страна на тимот на Британскиот совет и Центарот за странски јазици – Скопје нема никакво влијание. Кандидатот нема увид во тоа каде згрешил, ниту пак може да побара повторно прегледување на тестот.
Доколку го изгубите вашиот оргинален серификат, може да побарате нов во рок од 3 години од денот на полагање.
